紅湘子 小炒湖南菜

營業中

休息中

同屋企人一齊去呢間紅湘子食晏，原本就係想享受一個輕鬆嘅午餐，但冇諗到有如此體驗。除左餐廳環境ok之外，食物一般而且staff十分無禮貌。如果唔係新開，我都唔會試下。過後先知原來呢間餐廳前身叫川粤閣，依家搬間新舖改咗名，唔知係咪想洗底改頭換面。轉型擴充之後，變咗紅湘子，但套餐都無得供應，等於變相加價，加幅更接近成倍，但食物質素真係大不如前。午餐食左嘅野包括干鍋牛蛙、酸菜炒牛肚、油渣炒花菜、家鄉炒米粉，雖然菜式聽落幾吸引，但食完之後心裡就有一種失望感，唔知係咪我哋嘅期待太高，定係真係咁差。