博多拉麵別天神 (已結業)

出開旺角又想食拉麵 又冇特別想食邊間 記得之前黎過呢間見好多人排隊 所以就冇食 咁今次就諗住早少少去啦 點知入面已經坐爆左 門口仲有兩個人等梗位 咁唔緊要啦 應該等一陣就有位 本身間野都勁細間 應該得十幾個座位 不過日本既好食拉麵店多數都係細細間咁等左冇幾耐 店員話好快有位 幫我地量左體溫先 同埋買左野食 佢係門口擺部機係度俾我地自己揀野食 再用八達通俾錢 唔洗要店員落單個啲 幾方便咁我就叫左個最普通既豚骨拉麵 朋友就叫左個蝦味豚骨拉麵 好快兩碗拉麵就黎左 兩款都好好食 豚肉唔會好硬 淋身既 啲麵都岩岩好 好滿意 但食食下發覺少左隻溫泉蛋 下次一定要加埋 同埋見到好多人都有叫餃子 下次再黎食一定會試 埋單都係100蚊一個人左右 正常既拉麵價錢整體黎講 食物質素唔錯 員工服務好好 環境好有日本feel 細細間十幾個位 值得一試