月喬正宗越南湯粉 (柏樹街)

營業中

休息中

近期喺太子返工經常都會幫襯一間餐廳,因為性價比高同埋食物質素好,所以諗住喺度推介一下月喬正宗越南湯粉,餐廳裝修得好光猛好整潔,空間感亦都好足夠,喺度食嘢感覺都幾舒服。坐低店員會附上q r code自己落單感覺好方便。招牌生牛肉河 65元跟椰汁紅豆冰,生牛肉湯河分量好多好大碗,望到啲牛肉仲有少少紅浸落湯一陣就啱啱好,入口牛肉好香好嫩滑, 湯吸收咗牛肉嘅鮮味,加埋越式香料,蔥,整個湯底都散發牛肉嘅鮮甜味,真係好味到連湯都飲埋。越式炸蝦餅 47元,蝦餅啱啱炸起熱辣辣,外面炸到金黃色, 蝦餅上面有少少炸蒜,令到個味道更加有層次,蝦餅口感好彈牙,蝦味好突出,驚喜之作。香茅豬頸肉 47元,豬頸肉外面煎到有少少焦香,入面嘅肉質仲係好嫩滑,加上有少少油脂食落去特別有口感同埋香口,我就鍾意配少少甜酸醬,增添味道層次。最後清清哋點咗個生菜,生菜份量都好多,而且好新鮮。成班同事都好鍾意幫襯呢間越式餐廳無論性價比同埋食物質素都好好。