利寶閣 (已結業)

琴晚一行四人去奧海城搵食，行到呢間門口見有扁皮鴨和牛放題，裡面D枱又放得唔太迫，入去試吓，點知真係有驚喜！D味道好ok! 超出色係佢碗雞湯煲翅（好大粒鮑魚，好好味）、蝦多士（我地食完再叫左兩round)、櫻花蝦帶子蒸蛋、和牛、胡椒鹹菜豬肚湯、豬腳薑 同 蒜蓉粉絲蒸扇貝！建議如果唔係食量大既人個火鍋就剩食和牛同菜，留返個肚食佢D小菜，因為佢D小菜以我叫左既黎計有九成都好好味！太多選擇我哋都叫唔晒！抵食！ 值得一試！