道頓堀御好燒專門店 (K11購物藝術館) (已結業)

好耐沒去日本，好掛住日本啲嘢食，今次約埋啲同事一齊去食大阪燒啦。道頓堀禦好燒專門店好耐前食過，唔算貴，質素OK，宜家仲做更放題，最平208HKD已經包埋大阪燒，燒肉，沙律同一杯飲品雪糕，當然要揀哩嗰最平啲放題試試啦。我們揀咗肉類雜錦御好燒，泡菜豚肉文字燒，雞翼，豬頸肉，豬五花，芝士煙肉杏鮑菇，蒸餃子同埋啲沙律。啲餸好快到左，餃子要蒸20分鐘。同事喺第一次玩御好燒，對住張紙仔一邊學一邊煮，都幾有樂趣。我就好快燒埋雞翼，豬頸肉同豬五花。豬五花好薄身，1-2分鐘已經熟左，點埋啲醬汁一齊食，好香口，不過食多幾件就油左啲。豬頸肉燒得耐少少，要4-5分鐘，食落好彈牙，我就覺得有少少硬，同事就覺得好好味，仲encore左3轉。雞翼已經喺切開左，只得半邊，所以燒得好快，食落冇雪味，好食。食完一轉燒肉，禦好燒已經可以食，啲醬汁同御好燒好夾，食落好好味。最好味啲估唔到喺果嗰蒸餃子，皮好滑，食落似白菜豬肉餡，點埋餃子醬汁，好清爽，好like！哩嗰放題好抵食，平平哋已經食到更多嘢，最後仲送埋雪糕，OK喎！