鵝之極品滷水店 (已結業)

上次係深水埗燒肉乜乜店伏完食唔到好食滷水唔死心,經過果頭又去第2間買黎試下,深水埗都幾多滷水店,可以逐間試,哩間d 色水睇落正常好多,同埋都幾多人買.大鵝翼$35/隻鵝掌2隻起,每隻$20.中鵝翼買3送1,$18/隻,抵食喎.睇落唔錯,應該食得過.價錢都ok.下次要試下鵝片.仲有其他滷水嘢食,豬耳,豬脷,滷水豆腐,紅腸,滷水蛋,牛肚等...當然最吸引係滷水鵝.上次中伏之後,買住少少試左先,買左中翼3送1,2隻鵝掌就算,返到屋企打開,有滷水汁有蒜蓉醋,顏色都靚仔,肉質結實,有滷水應有既味道,冇過鹹,好食,拿拿聲開返罐啤酒嘆下.哩間可以再買