大渣哥茶記 (已結業)

喺附近做完嘢，決定試吓聞名而久嘅大渣哥。入去坐低睇餐牌，選擇都算多，最後我叫咗個下午茶餐，乾炒牛河，再加杯凍奶茶，咁就要六十蚊，其實以一個工業區嘅價錢嚟講真係唔算平，不過杯奶茶比普通茶餐廳大杯，碟乾炒牛河份量亦唔少，而且好有鑊氣，味道唔錯，都算值回票價！另外樓面都幾闊落，但座位設計就麻麻，排到有啲密質質，繁忙時間應該要同隔籬位膊頭掂膊頭，不過好彩我下午茶時間去，唔算多人。總結而言如果下次經過都會再試！