影片
更多
2019-09-01
75 瀏覽
早幾日黎到尖沙咀，由於仲有時間，因為下場嘅節目未開始 ，所以師傅決定搵啲嘢食 。呢期都係以車仔麵為主，位處老尖除左永年外，真係諗唔到仲有邊間。左諗右諗忽然間記起呢一間食店，其實之前已經試過一次，不過印像都係麻麻地，但係既然講得要寫車仔麵食評，所以一於要入去試多一次，當比個機會佢又比個機會師傅，於是乎膽粗粗又走入去食返餐。入到去人又唔多，好容易就搵到個位，坐低即刻攞張紙出黎，望下有乜嘢好食。師傅諗咗一陣，就揀左油麵再，餸就揀左豬紅，豬皮，豬腸，辣魷魚，牛筋同埋蘿蔔，六個餸，再加左個秘製辣汁同腩汁，就將張餐單交比侍應。等咗一陣，碗車仔麵就放左喺師傅面前，第一口當然係先至個湯底，湯底就香香甜甜，都算幾吸引，至於佢嗰個秘製辣汁，份量精緻到放少少喺隻匙羹度，食落又冇特別，味道唔香唔辣，師傅真係食唔出點樣秘制，唔算特別。再睇佢啲餸嘅份量都比較少，每款都係得兩至三件到，坦白講仲份量都令人幾失望。先講下個豬紅，豬紅細細粒，四四方方，入口味道一般，唔算入味，口感普通，最衰係一夾就散，失敗。豬皮入口唔算爽，屬於偏腍，坦白講真係唔吸引，唯一可取係比較大塊，但都不足以令師傅加分。蘿蔔得兩大件，其實都唔算好大件
左諗右諗忽然間記起呢一間食店，其實之前已經試過一次，不過印像都係麻麻地，但係既然講得要寫車仔麵食評，所以一於要入去試多一次，當比個機會佢又比個機會師傅，於是乎膽粗粗又走入去食返餐。
入到去人又唔多，好容易就搵到個位，坐低即刻攞張紙出黎，望下有乜嘢好食。師傅諗咗一陣，就揀左油麵再，餸就揀左豬紅，豬皮，豬腸，辣魷魚，牛筋同埋蘿蔔，六個餸，再加左個秘製辣汁同腩汁，就將張餐單交比侍應。
等咗一陣，碗車仔麵就放左喺師傅面前，第一口當然係先至個湯底，湯底就香香甜甜，都算幾吸引，至於佢嗰個秘製辣汁，份量精緻到放少少喺隻匙羹度，食落又冇特別，味道唔香唔辣，師傅真係食唔出點樣秘制，唔算特別。
再睇佢啲餸嘅份量都比較少，每款都係得兩至三件到，坦白講仲份量都令人幾失望。先講下個豬紅，豬紅細細粒，四四方方，入口味道一般，唔算入味，口感普通，最衰係一夾就散，失敗。
豬皮入口唔算爽，屬於偏腍，坦白講真係唔吸引，唯一可取係比較大塊，但都不足以令師傅加分。蘿蔔得兩大件，其實都唔算好大件嘅，入口都算清甜，冇渣但未算好冧腍，勉強可以接受。豬腸屬於比較肥嘅，係師傅喜愛嗰一款，加上佢炆得都幾腍，入口好味，豬腸暫時算係咁多款餸中比較對辦嘅一種。牛筋就普普通通，話腍唔腍話硬唔硬，嗰個口感亦都唔夠黏口，所以都係普通。
最後試埋嗰個辣魷魚，呢個辣魷魚反而有啲料到，因為個辣味好惹味，好搶口，魷魚本身都好爽，好好咬好，正整體水準不俗，絕對係必食推介。最後油麵好普通，冇特別，師傅淨係覺得自己食緊碗麵。
總括嚟講食物水準一般，並沒有什麼驚喜，環境清潔乾淨，服務亦都算可以，係價錢偏貴 ，64蚊六個送一個麵底，本來價錢可以接受，但係份量著實太少，所以算係貴嗰種。今時今日同區有永年喺度，師傅都戥佢難做，因為水準唔算好得，又唔算話好出位，價錢又唔算話好抵，所以師傅再黎機會不大，笑臉唔會比，不過真係幾like佢個辣魷魚。食店雖然有飯食，但黎呢度食飯，玩咩!
$64
6 瀏覽
0 讚好
0 留言
張貼
