煌府婚宴專門店

營業中

休息中

陪媽媽去完屯門覆診，之後黎左煌府飲茶，呢間煌府係近年我去過咁多間茶樓服務最好嘅一間。自動自覺加水唔在講，見我地想搵牙籤，都未開聲就即刻拎到黎，食物唔小心整污糟左件衫，亦馬上有濕紙巾，服務真係好到冇得彈，有機會一定會再黎呢度飲茶。講返食物，食物質素都幾高，全部都係即叫即製嘅。鮮蝦大春卷有爽口彈牙嘅鮮蝦喺入面。千島吉列蝦大大隻，配埋千島醬一齊食感覺就冇咁油。百花釀魚肚嘅魚肚厚身得黎好入味，蝦亦都彈牙。至尊燒鵝皇米線嘅燒鵝係脾嘅部分，肉質嫩得黎重鵝味，而且食嘅時候仲有溫度唔會冷冰冰。