花月居酒屋

營業中

休息中

襯時裝店大減價與好姊妹選購衣物，shopping完剛好一過漆咸道就到尖東一帶，心想尖東應該比尖沙咀少人，用膳可以坐得比較舒服，就過天橋覓食。希爾頓中心都有好幾間食肆，見到花月居酒屋地面有招牌，寫位於中國銀行一樓，問問好姊妹意見，大家都同意一試。星期六夜晚七點左右只有一兩枱客，其中一枱係日本人，燈光較暗不過人少坐得舒服。池魚刺身兩食，白肉魚比較清爽，適合夏天食用，池魚肉質軟腍新鮮，拌上薑蔥同食很合拍。池魚魚骨炸脆又有另一食法，不過部分骨頭，尤其是主骨比較硬，唔可以連骨食埋，唔係好容易整傷喉嚨。脆炸一般人會比較忽略，以為可以連骨食。八爪魚唐揚八爪魚入口尚算彈牙爽口但外層脆炸有點腍身，感覺比較油膩。清酒煮大蜆用上很多蒜蓉同煮，蜆肉較薄但亦鮮甜。白鰻串燒皮脆肉嫩，但鮮味略遜。蒜蓉豬肉串燒食不到亦見不到蒜蓉，猶如一般五花腩薄切串燒，不過豬肉半肥瘦火燒一定好食。豬大腸串燒比較肥，幸好沒有溢味。當晚人少關係菜色上得太快，一下子所有菜色全部上枱，感覺有點趕客。