NUTTEA (旺角中心第一座) (已結業)

聽過呢間舖頭好耐，佢哋賣點係用堅果奶去做奶蓋，不過睇完之後又冇咗件事，一直都冇試到，近排有個friend飲過之後係咁話好好飲，強烈推薦仲帶埋我一齊去飲🤣我哋去開旺角，就去咗旺角中心呢間NUTTEA分店到買，而家唔使戴口罩，仲可以邊飲住邊行街😗 見到都幾多人買，等咗一陣，見到佢推介個牌寫住宇治金時我就吸引咗揀咗呢杯了！🍵我本身都鍾意飲宇治抹茶，而且抹茶同埋紅豆真係絕配呀🤤❤️ 一拎到手見到厚厚嘅奶蓋真係覺得好正😍 即刻打開蓋直接食啖奶蓋先，我本身唔係特別鍾意食堅果，但原來打做奶蓋個味係幾適合！好似有少少榛子嘅香味咁😍 而且奶蓋質感好厚實！仲有啲飽肚感😆 覺得呢個真係一大好發明～絕對滿足到唔飲得奶類嘅朋友！