錫蘭 (軒尼詩道)

營業中

休息中

中午趕時間食lunch，諗住快快脆食個茶記就算。於是就喺網上外賣平台 order咗外賣自取， 1:00落order， 個app話1:15有得攞。準時1:15去到，見未有外賣放係度，就企左係出面等左陣。5分鐘後入去問下，收銀個啊姐指住張吉嘅外賣枱話: “你睇到啦，我冇嘢比你啊”，心諗咩事…點解可以咁冇禮貌。再等多10分鐘，見到終於有外賣出嚟，滿心歡喜入去問，點知係我後面嘅order，心諗點解等咗咁耐仲未有，於是問個收銀姐姐可唔可以幫我跟進一下。佢話: “冇得幫你架，網上外賣平台唔係你㩒就有” …….哈哈真係無言。結果係等到1:45都未有，足足遲左半粒鐘，堂食都食完。最後，其實食茶記都唔期望服務好，只求快靚正，可惜佢哋全部都做唔到。