影片
更多
2019-05-31
732 瀏覽
今日女友生日行完街夜晚8點半左右見到呢間野，就同女友入去試下 一入到去感覺就已經唔好，地下好滑好似溜冰咁，叫完野食就見到有曱甴係牆到行女友叫左個牛扒加轉酥皮湯，個湯正常蒜蓉餐包就最好 好脆但扒就完全唔得，好大浸油「益」味， 仲叫左牛扒加芝士龍蝦+20$加大跟龍蝦湯，龍蝦湯冇味，牛扒一樣有油「益」味，龍蝦食落都係冇味，飲品就叫左阿華田脆脆 呢杯就正常 另一杯就叫左青蘋果綠茶，呢杯野就伏到....唔識形容咩味 飲左小小放棄 甜品係牛乳奶凍 諗住呢個都正常 點知食落去好多細粒粉 感覺完全冇攪勻 點食落口 總括黎講連加1 食左$308 老實講咁嘅價錢真係唔好試 環境衛生冇0分比 唔係真係比0分佢 條街仲有好多餐廳 唔好入去哂錢 呢間野係差到我要開ac都要上黎分享有幾伏
張貼
