影片
更多
2019-08-09
783 瀏覽
今日同朋友慶祝生日，朋友踏入三十大關正式成為中女，當然要食好啲去賀一賀佢啦經過我嘅嚴格篩選，今次就決定食上品火鍋料理聽講佢哋嘅花膠雞鍋好受歡迎，一坐低即刻落單叫咗個鍋先另外仲點咗上品牛肉拼盤、芝心鳳尾蝦、流沙汁釀墨魚丸、鬼馬油條同埋其他蔬菜。花膠雞鍋落咗半隻雞落去去煮，仲有好多翅群同花膠。侍應建議我哋煲滾咗之後飲一碗湯同食下啲料先，當然我哋有乖乖聽話啦個湯正到拍得住母親大人煲嘅愛心老火湯，完全一丁點味精都無！非常濃郁嘅花膠同雞味，每一啖飲落肚都覺得好滋補花膠煲得好軟綿綿又帶少少膠質口感，份量都唔細，呢個女人恩物真係唔可以錯過雞肉肉質都好嫩滑，偷咗隻雞脾食，啖啖肉，完全唔會好似啲煲湯瘦肉咁鞋口個鍋底俾我哋一人兩碗咁飲，爭啲無哂咁滯飲完湯之後啲食物都陸續上枱啦✨上品牛肉拼盤 - 呢個拼盤價錢係$398，價錢中等但我哋覺得超值因為佢包括咗七個唔同部位嘅牛肉。包括有頂級本地鮮肥牛、新鮮邊爪位、牛柳粒、金錢展、安格斯肥牛、牛胸尖、雪花肥牛肉。當中最特別係邊爪位，佢係肋骨位包圍牛腩的肌肉，脂肪特別多，肉味香濃帶有質感，入口夠肥美。本地肥牛同安格斯肥牛都好高質素，入口即化，滿口油脂甘香，我哋兩個牛魔
經過我嘅嚴格篩選，今次就決定食上品火鍋料理
聽講佢哋嘅花膠雞鍋好受歡迎，一坐低即刻落單叫咗個鍋先
另外仲點咗上品牛肉拼盤、芝心鳳尾蝦、流沙汁釀墨魚丸、鬼馬油條同埋其他蔬菜。
花膠雞鍋落咗半隻雞落去去煮，仲有好多翅群同花膠。
侍應建議我哋煲滾咗之後飲一碗湯同食下啲料先，當然我哋有乖乖聽話啦
個湯正到拍得住母親大人煲嘅愛心老火湯，完全一丁點味精都無！
非常濃郁嘅花膠同雞味，每一啖飲落肚都覺得好滋補
花膠煲得好軟綿綿又帶少少膠質口感，份量都唔細，呢個女人恩物真係唔可以錯過
雞肉肉質都好嫩滑，偷咗隻雞脾食，啖啖肉，完全唔會好似啲煲湯瘦肉咁鞋口
個鍋底俾我哋一人兩碗咁飲，爭啲無哂咁滯
飲完湯之後啲食物都陸續上枱啦
✨上品牛肉拼盤 - 呢個拼盤價錢係$398，價錢中等但我哋覺得超值因為佢包括咗七個唔同部位嘅牛肉。包括有頂級本地鮮肥牛、新鮮邊爪位、牛柳粒、金錢展、安格斯肥牛、牛胸尖、雪花肥牛肉。
當中最特別係邊爪位，佢係肋骨位包圍牛腩的肌肉，脂肪特別多，肉味香濃帶有質感，入口夠肥美。本地肥牛同安格斯肥牛都好高質素，入口即化，滿口油脂甘香，我哋兩個牛魔王都食得非常滿足
✨芝心鳳尾蝦 - 佢用蝦膠包住外層，裡面釀入芝士餡，尾端係用真蝦尾。蝦膠部份好彈牙，食得出係新鮮手打嘅蝦膠，芝士餡份量剛好，配合蝦膠真係perfect match!
✨流沙汁釀墨魚丸 - 佢個流沙餡即係蛋黃流沙餡，咸香可口嘅蛋黃流沙餡雖然食落好邪惡，但佢嘅好味程度係會令你將呢啲嘢拋諸腦後
✨鬼馬油條 - 呢間餐廳嘅蝦膠真係要提多次佢哋真係做得好好，質感好彈牙，蝦膠餡絕對係用新鮮蝦肉剁成。不過呢個鬼馬油條似乎適合配濃味啲嘅湯底，我要點辣椒豉油先夠味
雖然上品嘅價位真係唔平，但佢完全係做到一分錢一分貨嘅質素，呢間餐廳我絕對會翻啅
張貼
