日和号壽司料理 (已結業)

喺九龍灣夜晚8:30諗住食飯嘅話呢，應該選擇唔係好多，而家間餐廳呢晚上10點先閂門，所以我同朋友就決定食呢一間餐廳，而呢一個時段嘅餐廳呢，就有半價嘅壽司同刺身。我哋兩個人大概點左40件壽司左右，當中有軍艦，壽司,刺身同埋一款小食，小食就普普通通，只係普通既章魚小丸子4粒，我覺得最特別嘅係吉列炸蠔壽司，我原先以為係小食嚟嘅，點知嚟到見到係壽司。而最抵食嘅呢就係赤海老壽司，一隻勁大隻嘅蝦刺身加埋壽司飯，都只係買$18一件。兩個人埋單大概$450左右，仲要係食到好飽嘅。