三河屋 (已結業)

呢間日式小店好family feel~ 質素唔錯之餘又唔算貴～ 所以間唔時都會黎食下～ 今晚又黎喇～ 星期日晚七點九黎到唔駛等位～ 坐多2 3張枱就full晒lu 😝😝記得有雜誌推介過呢度鰻魚飯～ 就試下～ 仲嗌左咖喱烏冬⋯蒜味螺肉同燒鯖魚～前菜係蒜味螺肉～10蚊咋！過下口癮😝😝 現成野正常味道～咖喱烏冬～唔係咖喱湯烏冬⋯係咖喱汁撈烏冬～ 大大碗烏冬淋上大量咖喱汁！咖喱唔係平時甜甜既日式咖喱～ 呢款香濃帶點微辣～ 烏冬又滑又煙靭～ 食既時候將每條烏冬都沾上滿滿既咖喱😋😋 附上幾舊煮到軟稔既紅蘿蔔同粉粉既薯仔～ 雖然冇咩餸⋯但仍然食到一條都冇剩😋😋😋朋友嗌既鰻魚飯！一大條鰻魚舖係飯面！成個手掌咁大！！(利申：小妹隻手係女子黎講都幾大) 燒得好靚好吸引😍😍😍 好肥美厚身～ 肉質嫩滑😋😋 平時食鰻魚好怕有太多細骨～ 呢個唔覺太多～ 係咁jam朋友d鰻魚黎食😝😝😝 好好食！(我地係魚尾已經蝕左！見到隔離枱係魚中間⋯長度一樣！ 鰻魚大到飯面都裝唔晒！)個飯跟麵豉湯～ 我冇飲到～ 但見到碗湯有唔少紫菜同芽菜～ 都落足料～ 燒鯖魚佢話要等25分鐘～我都唔記得等左幾耐～ 完全沉醉係烏冬同鰻魚度～ 燒