大壹燒鵝 (啟田大廈)

營業中

休息中

行過哩間裝潢有啲似茶記既餐廳，抬頭一望原來主打係燒味。再睇下門口個大menu原來有幾多小菜添，二話不說就入去試試啦。入面分左上下2層，我地被招待到上一層卡位，卡位可以望見下面食客，感覺有啲去左睇歌劇，而且仲可以偷睇到其他食客點左乜嘢食，可以參考下。眼見個個都會叫碟燒味例牌加2個小菜，唯一可惜餐廳可能未有酒牌，如果唔係我估枱枱都有支大啤走唔甩。我地點左燒汁薯仔牛柳粒：薯仔食得出炸過，外皮脆口而且切到細細粒，牛肉粒冇筋入味姜蔥魚雲：魚既腩骨、鮫位、魚皮炸到脆哂再落加姜蔥㨮兩㨮非常惹味叉燒油雞雙拼飯：原本想試下佢地個乳豬，但職員話一早賣哂，下次真係要早啲黎，叉燒半肥瘦不在話下，好少會成條都有燶邊，應該係淋上麥芽糖非常足夠所致，非常香口。