古早味原住台灣 (已結業)

今次係第一次嚟食，行街之前食個lunch先，見到個招牌，本身冇諗住食，經過咗⋯但發現附近都冇乜嘢想食，咁不如食台灣菜啦，因為好耐冇食啦。入口細細，但原來上到去好大間！啲壁畫好靚！中午時段冇乜人，同朋友坐低咗，我哋兩個都想食滷肉飯，但又唔想嗌兩個一樣喎咁我加個雞扒啦，仲有兩杯台式飲品，黑糖奶茶加珍珠、芋香牛奶加珍珠。上菜時間都算快，話咁快就有得食啦。朋友個滷肉飯上先，見到分量好似偏小，不過原來食食吓都幾多飯！然後我個雞扒滷肉飯嚟啦！嘩塊炸雞扒超大塊！我分左一半比朋友，味道確係正喎！好脆，好香，裏面又唔乾！我同朋友努力之下終於食完！係好飽好飽！個滷肉飯都好好味，唔太油飲品方面，我覺得芋香牛奶係甜咗啲囉建議嗌少甜！成個午餐都覺得係抵食嘅，坐得舒服，分量大，價錢都算平。