影片
更多
2021-02-28
100 瀏覽
一去到餐廳，侍應淨係比啲食火鍋既餐牌我地，基本上一個鍋都要成三百幾蚊，但個陣都差唔多3點算係下午茶時段，我同朋友都唔想食咁多野，同埋睇openrice 啲相係見到有飯食，然後我地問侍應，佢先拎張午餐餐牌出黎，最後比錢發現訂左座都係無折扣，因為單點先有折，同朋友各叫左一個鰻魚飯套餐，人均消費$174.5。其次，侍應對餐牌毫無概念，每問佢一個問題，佢都要返入去問同事先答到我地，雖然佢無唔耐煩，但搞到我都唔好意思，好似我地刁難佢咁，但我哋只係問好簡單既問題，例如：仲有無飯賣？是日花茶係咩茶？套餐小食係咩小食？但佢對於每個問題都答唔到，佢總共行左成4 至5次問同事。此外，饅魚飯味道不錯，小食係蟹鉗黎，可惜無沙律醬點，但飲料出事，個餐湯唔知係咩湯，之前問過侍應，但顯然佢唔識答，淨係答無得揀咩湯，係套餐包埋。個餐湯好似好立克既顏色同質地，聞落去有陣臭味，試左一啖係無味，而且佢唔係裝滿比我，我個杯好似比人飲過咁，得返半杯多啲左右，我同朋友都唔敢再飲。另一方面，個花茶味道都正常，但望落去一朵花都無，同埋用個好似飲啤酒既杯裝住，超級奇怪。成個用餐過程都唔愉快，由一開始好似逼我地食火鍋，到侍應乜都唔識，再
其次，侍應對餐牌毫無概念，每問佢一個問題，佢都要返入去問同事先答到我地，雖然佢無唔耐煩，但搞到我都唔好意思，好似我地刁難佢咁，但我哋只係問好簡單既問題，例如：仲有無飯賣？是日花茶係咩茶？套餐小食係咩小食？但佢對於每個問題都答唔到，佢總共行左成4 至5次問同事。
此外，饅魚飯味道不錯，小食係蟹鉗黎，可惜無沙律醬點，但飲料出事，個餐湯唔知係咩湯，之前問過侍應，但顯然佢唔識答，淨係答無得揀咩湯，係套餐包埋。個餐湯好似好立克既顏色同質地，聞落去有陣臭味，試左一啖係無味，而且佢唔係裝滿比我，我個杯好似比人飲過咁，得返半杯多啲左右，我同朋友都唔敢再飲。另一方面，個花茶味道都正常，但望落去一朵花都無，同埋用個好似飲啤酒既杯裝住，超級奇怪。
成個用餐過程都唔愉快，由一開始好似逼我地食火鍋，到侍應乜都唔識，再到個餐湯出事，我都淨係想快啲離開間餐廳，最後都唔敢比信用卡，怕佢碌多我錢，淨係比現金。
我比完錢先諗起去花花牆壁個邊影相，影完發現燈光唔靚，影出黎個樣好暗，張相都要再調下色。其實好多餐廳都有花花牆壁打卡，唔建議去妮間鋪食野。
張貼