真‧章魚無雙 (已結業)

話說經過旺中一定要食章魚無雙，但係每次都排好耐隊🫠早幾日喺尖沙咀剪完頭髮，都差唔多夜晚九點幾，想搵啲小食食吓，竟然見到厚福街開咗章魚無雙就諗住去食啦。識食一定嗌黑松露嘅🤣🤣咁我就嗌咗個黑松露同明太子雙拼。唔知呢間係唔係加盟店定係點樣呢？其實我食落去就覺得有啲失望嘅，因為每一次去旺中食嘅時候都會覺得好好食，但係今次八粒入面起碼有一半都係散咗嘅章魚燒，其中有幾粒仲好似燒燶咗咁好韌，入面粒章魚又冇以前咁大粒。。都係嗰句啦。。年紀大啦，冇咩quota。又係食淨幾粒都忍唔住dum咗佢。。。