芝樂坊餐廳

美國大型連鎖店，開左40年，全球分店超過200間，主打傳奇芝士蛋糕呢間店，之前因為太多人排隊，所以一直無去試，而家特登係疫情期間去試，點知都要等一粒鐘⋯餐廳環境好似舊時傳統舞廳咁，好有主題feel，加埋啲燈光，好柔和溫暖。行入餐廳，環顧四週，我發覺呢度咩客人都有，亞裔，西方人，伊斯蘭教，菲律賓，美國，摩納哥都有，當然點餐還是用英文的。因為餐牌真係太多太多選擇，我同朋友都搞左一輪先落到單🙈，最後一人叫左個主食分別係‘意式酥炸雞肉’+‘水牛城雞翼‘，另外當然要試下呢度主打芝士蛋糕🍰，點完之後發覺，呢度有餐前包送，仲要係黑糖麵包，雖然我麻麻地硬身麵包，但呢個黑糖麵包真係好食，比Outback還要好食。店員服務態度好好，不斷幫我地加水，而且主動問我地有咩需要，啲食物味道如何等。我自己覺得最好食係黑糖麵包，意式酥炸雞肉個薯蓉，同埋個芝士蛋糕，其他我都覺得沒咩特別，你會發覺呢度點咩餸都會有芝士醬跟比你，芝士確係一流，如果你係芝士控，真的值得一戰。