影片
更多
2016-01-19
713 瀏覽
火加歌等於我 型格裝修•POP MUSIC•嘆酒鍋 「毛記電視第一屆十大勁曲金曲分獎典禮」引致全民洗版，創意澎湃嘅香港人，對於誠意十足嘅二次創作反應熱烈。香港人貪新亦愛舊，尤其欣賞推陳出新，去蕪存菁嘅創意餐廳。 餐廳開喺尖沙咀一座新商業大厦，新到連𨋢都有「朕」裝修味，去到門口見到牆身有一條浮世繪風格海魚嘅大型畫作，入到門口，又見另一幅大型畫作，睇雜誌話出自當代城市藝術家BEN PICKERING嘅手筆，加上柔和燈光同POP MUSIC,成間GALLERY咁。牆身同VIP房打造中國風裝修，仲有啲舊木擺設，大廳主要係卡位設計，加上誇張嘅吊燈，成間餐廳就係型！ 由於要等入座，知客先招呼我去露台雅座等候。餐廳善用小小露台空間，比煙民抖抖氣，亦可以比早到客人食住小食飲杯嘢慢慢等。 南乳炸雞翼$48醃足時間索夠南乳醬嘅炸雞翼，惹味到不得了，但略嫌太重味同未夠鬆化。紫貝天葵$25 竹蔗茅根$25食火鍋熱氣係人都知，所以呢度會提供兩款下火涼茶比客人滋潤吓。兩味茶都係消暑解熱，生津止渴，但老土嘢略加包裝，即時型仔晒。兩枝飲品都用新潮燈膽
火加歌等於我 型格裝修•POP MUSIC•嘆酒鍋
「毛記電視第一屆十大勁曲金曲分獎典禮」引致全民洗版，創意澎湃嘅香港人，對於誠意十足嘅二次創作反應熱烈。香港人貪新亦愛舊，尤其欣賞推陳出新，去蕪存菁嘅創意餐廳。
餐廳開喺尖沙咀一座新商業大厦，新到連𨋢都有「朕」裝修味，去到門口見到牆身有一條浮世繪風格海魚嘅大型畫作，入到門口，又見另一幅大型畫作，睇雜誌話出自當代城市藝術家BEN PICKERING嘅手筆，加上柔和燈光同POP MUSIC,成間GALLERY咁。牆身同VIP房打造中國風裝修，仲有啲舊木擺設，大廳主要係卡位設計，加上誇張嘅吊燈，成間餐廳就係型！
由於要等入座，知客先招呼我去露台雅座等候。餐廳善用小小露台空間，比煙民抖抖氣，亦可以比早到客人食住小食飲杯嘢慢慢等。
紫貝天葵、竹蔗茅根、南乳雞翼
34 瀏覽
0 讚好
0 留言
南乳炸雞翼$48
醃足時間索夠南乳醬嘅炸雞翼，惹味到不得了，但略嫌太重味同未夠鬆化。
紫貝天葵$25 竹蔗茅根$25
食火鍋熱氣係人都知，所以呢度會提供兩款下火涼茶比客人滋潤吓。兩味茶都係消暑解熱，生津止渴，但老土嘢略加包裝，即時型仔晒。兩枝飲品都用新潮燈膽樽，成杯COCKTAIL送到面前，飲嘅除咗滋潤，仲有浪漫。
酒火入鍋
$320
29 瀏覽
0 讚好
0 留言
酒火入鍋$320
餐廳提供蒸氣鍋同火鍋，我就梗係要試吓佢最IN嘅招牌湯底酒火入鍋啦。成語五味紛陳，正好形容呢個湯底。墨汁海鮮、四川麻辣、蝦兵蟹將、潮州沙嗲同埋燈燈燈櫈，眾星拱月，高潮所在嘅火焰木瓜。只見湯底上枱，先用酒淋上木瓜，用一分鐘比木瓜吸收晒酒精，焚瓜以火，強勁音樂加濃郁香氣加妖艷酒火，強烈官能剌激表演令人畢生難忘。酒盡火滅，再注入雞湯淹沒木瓜，再加熱到沸騰，正式開始醫肚。
頂級安格斯牛頸脊(大)
$238
47 瀏覽
1 讚好
0 留言
頂級安格斯牛頸脊(大)$238
一不做二不休，食物擺盤標奇立異，又係吸晴之作。用大量冰塊保持低溫，薄切牛肉掛晾喺木架，略燙至僅熟，暴龍哥話齋，食物相配係有「電劣」嘅，本人始終認為沙嗲跟牛係天做地設嘅組合，牛頸脊入口即溶，牛有牛味，睇得又食得。
香芋冰淇淋豆腐
$58
26 瀏覽
0 讚好
0 留言
香芋冰淇淋豆腐$58
全港首創(聲稱)火鍋料,外型似冰皮月餅，用豆腐，鯪魚肉加芋頭粒搓匀雪凍，食法似冰豆腐，口感更滑溜鬆軟，芋頭夠香夠粉，多食都唔覺膩。
鮮淮山、牛骨髓
28 瀏覽
0 讚好
0 留言
牛骨髓$58
牛骨髓已經絕跡火鍋界一段時間，由於供應同需求減少，兼且難於處理，但今日所點嘅既新鮮又企理，誠意之選。
鮮淮山片$32
難得一見嘅配料。淮山即叫即切片奉客。點解我會知？因為淮山片上枱後，仲見到有潺黐住切口，可見除咗新鮮，仲係即切，烚完入口鬆化，似薯仔口感，清爽清甜。
火鍋生料
43 瀏覽
0 讚好
0 留言
其他生料都處理得好乾淨俐落，精心佈置，新鮮自然不在話下，由於有五款湯底，每樣材料都可以有唔同風味。突然一件花枝片入口，食到我會諗起孫子兵法，兵勢篇有云：「味不過五，五味之變，不可勝嚐也」真係好貼切。
黑松露小籠包
$52
50 瀏覽
0 讚好
0 留言
黑松露小籠包$52
搞鬼嘅點止係湯底。師傅仲設計咗6味小籠包，今晚試咗黑松露。包仔細細以黑白太極款設計，湯汁滿瀉，黑松露湯汁饀料尚算足料，比起正式上海店毫不遜色。
香港人貪新鮮識計數，有型好食新奇POP MUSIC,一次過滿足晒，嚟緊肯定一位難求，期望下次嚟會有更多驚喜。
張貼
