影片
更多
2016-10-31
3721 瀏覽
聽朋友講，尖沙咀韓國街個度開左間台灣臭臭鍋。之前係台灣食過一次，回味無窮。依家難得香港都有得食，就即刻約埋朋友去潮聖!雖然位置唔算十分方便，但仍然有好多人等位。閒日既7:30pm，我地等左45分鐘先入坐。一坐底，已經非常肚餓。黎到臭臭鍋店，當然要嗌返一個招牌臭臭鍋。另外朋友叫左個芝士牛奶鍋試試。每款鍋$108，包一個飯/粉絲。枱面仲有d沙嗲醬、蒜蓉俾大家溝醬，點餸用。一上到枱，店員會幫手點火，確保大家每鍋都係熱辣辣。我個招牌臭臭鍋食材好地道，有豬肉片、臭豆腐、貢丸、米血糕、豬紅等等，非常台灣風味。臭豆腐唔係我地係街邊食既脆卜卜版，而係蜂巢豆腐既texture+臭豆腐既「香」味。臭豆腐同榴槤一樣，一係好鐘意，一係完全接受唔到，得兩個極端。我自己就好鐘意臭豆腐依朕味，可能個人比較重口。除左頭先講個d地道食材，個湯底仲有蕃茄、大白菜、金菇，所以會甜甜地，健康得黎又惹味。另外個芝士牛奶鍋就比較易入口。湯底creamy, 重芝士味。我最鐘意入面既芝士丸同心型魚腐，好彈牙~ 芝士鍋入面本身已經有烏冬，所以好鬼飽肚。如果男人驚唔夠食，可以加飯/粉絲，一定夠晒飽。我地見隔離個枱三個男人一人一鍋，都食淨
雖然位置唔算十分方便，但仍然有好多人等位。閒日既7:30pm，我地等左45分鐘先入坐。
一坐底，已經非常肚餓。黎到臭臭鍋店，當然要嗌返一個招牌臭臭鍋。另外朋友叫左個芝士牛奶鍋試試。每款鍋$108，包一個飯/粉絲。
枱面仲有d沙嗲醬、蒜蓉俾大家溝醬，點餸用。
一上到枱，店員會幫手點火，確保大家每鍋都係熱辣辣。我個招牌臭臭鍋食材好地道，有豬肉片、臭豆腐、貢丸、米血糕、豬紅等等，非常台灣風味。臭豆腐唔係我地係街邊食既脆卜卜版，而係蜂巢豆腐既texture+臭豆腐既「香」味。臭豆腐同榴槤一樣，一係好鐘意，一係完全接受唔到，得兩個極端。我自己就好鐘意臭豆腐依朕味，可能個人比較重口。
除左頭先講個d地道食材，個湯底仲有蕃茄、大白菜、金菇，所以會甜甜地，健康得黎又惹味。
另外個芝士牛奶鍋就比較易入口。湯底creamy, 重芝士味。我最鐘意入面既芝士丸同心型魚腐，好彈牙~ 芝士鍋入面本身已經有烏冬，所以好鬼飽肚。
如果男人驚唔夠食，可以加飯/粉絲，一定夠晒飽。我地見隔離個枱三個男人一人一鍋，都食淨唔少，因為個鍋真係好足料好抵食。我地仲嗌左杯奶茶share。奶茶既茶味濃而且入口香滑，好飲。不過奶茶要$28一杯，唔包珍珠(另加$5)，比起出面d奶茶舖貴。
總括黎講，依晚完全滿足到我既台灣菜癮~ 未試過臭臭鍋既朋友尤其要黎感受下正宗台灣風味~ 當飛左一轉台灣開餐!
張貼
