意樂餐廳 (喜韻商場) (已結業)

意樂今日落雨，但係小編都想要一個good morning 先去番工，咁先有動力做野。唔想行咁遠去食早餐，所以就試下屋企附近既意樂。粟米白汁雞絲湯扁意粉配蒜蓉西多士🍽個湯唔好覺得好咸，雞肉亦不會咸，味道不錯。但如果下次廚房將雞肉分件細舊點會較易入口。意粉亦不會太硬，撈埋白汁雞絲味道啱啱好。蒜蓉西多士上的蒜蓉分配得平均，唔會一邊有一邊冇，上枱時仲係熱騰騰，所以食落去更加帶出蒜蓉嘅味道。香草雞扒配流沙牛角酥🍽入面有腸仔，沙律菜，煎焗流心蛋，香草雞扒。 香草雞扒唔會煎得太燶，味道啱啱好，再加埋香草嘅味道 食落更加惹味。流心蛋煎得好靚，輕輕點一點蛋漿已經流出來。加埋沙律菜食落去好fresh又健康。最值得一讚係新推出流沙牛角酥， 一撕開已經有奶黃流出嚟，口感好正。凍即磨咖啡🍽咖啡係用南非既咖啡豆，所以飲落去味道係唔同嘅， 唔係出面普通茶記嘅凍咖啡。