龍順軒海鮮酒家

營業中

休息中

街坊酒樓，應該住係呢條村既街坊先會黎，所以生意好似麻麻，平日晚飯時間得十枱客到。乳鴿，$32一只熱辣辣，皮脆脆，肉質嫩，燒味舖都賣三十幾一只，呢度算平！清蒸龍躉仔特價菜，四人只可選一款，只需$48唔算細條，四人食剛好。蒸得好嫩滑，好味！椒鹽蝦炸得好脆，微辣，椒鹽好多，惹味，蝦幾大只。栗子好林，但排骨肉太瘦有啲鞋。有唔少塊鮑貝片，整齊幾好味。送糖水，綠豆沙幾鐘意呢個，夠沙，唔似得有啲酒樓水溝豆甘。做得幾好！整體上唔錯，職員好快手同友善。價錢大眾化，四個人先三百左右，抵食，但感覺枱布有啲污糟。