蘇媽.蘇媽馬來西亞茶餐室 (已結業)

價錢不至於好抵食，因為佢每碟嘢都唔會太多份量通常兩個人叫三四樣就差唔多。但香港好少有咁有風味嘅馬來西亞餐廳，小菜係出面好少見嘅，唔係求其一碗喇沙就話係馬來西亞餐廳。 而且餐廳都坐得好舒服，餐具裝修都別具特色。服務員態度好好。🥇（推薦）🥪咖央多士-每次一定會叫！夾著厚厚嘅咖央充滿椰香味，表面烘得非常酥脆。☕️拉茶-偏甜，但係出面好少見飲品可以叫呢個。🥈（推薦）🍴肉骨茶小菜- 無論你叫邊一款肉骨茶嘅小菜，肉骨茶湯都可以無限添飲！肉骨茶入面肉味和藥材味濃厚，唔怕藥材味嘅朋友一定要試！🍲砂煲老鼠粉- 我覺得有啲似香港嘅銀針粉，自己食落就覺得有啲普通。