食得福餐廳小廚

營業中

休息中

好傷心呀頭先千辛萬苦打咗篇食評，撳錯掣捨棄左而家重新寫過！想講今日食咗個乾炒牛河超級好味，炒粉麵入面都算係冠軍！而且食開食德福呢一間餐廳嘅炒河都幾出色，炒得好勻旬想食香口有足夠份量嘅牛肉、芽菜、九黃等配料同埋主角！分量大大邊食到個肚捧住走！河粉非常之彈牙，好新鮮唔會話斷開一條條，但係又會充分將啲河粉炒散好功夫！仲有一個重點，就係佢啲辣椒醬都幾好味，所以唔係如君益咁高級，但係都唔差！畢竟食炒麵炒河粉一定要有辣椒🌶️醬， 咁樣先會令到件事完美㗎嘛因為想爽一爽佢，今次就加罐無糖汽水！周不時都有好多選擇，有白色可樂黑色可樂仲有無糖嘅雪碧！一樣價錢我梗係要白色可樂啦！理論上好似冇咁肥有纖維呀嘛🤣🤣自己呃自己都要😌😉🤭😜