肥龍拉麵小籠飽上海料理 (已結業)

放假喺附近食個方便brunch，意外發現倒抵食嘅上海菜。一人套餐可揀一麵食配一點心，附送餐飲，抵食之餘賣相亦唔錯。我揀咗酸辣湯拉麵配小籠包，份量頗多超飽肚，熱辣辣嘅温度令食物味道更上一層樓。酸辣湯拉麵連埋湯底可以全部清光，而且味道配合得啱啱好。小籠包有四隻，夾起時外皮全部都冇穿到，超級驚訝！而且肉汁超多，新鮮滾熱辣，一啖一隻，迅速秒殺。另外散叫咗碟上海粗炒，平日只覺得粗炒好硬，無從入囗，完全唔識欣賞。今次第一次覺得上海粗炒都可以好好味，硬度適中有咬口，而且煮得入味。相比起其他百幾蚊先一碟嘅高檔上海菜餐廳，呢餐係有過之而無不及。