意房菜

營業中

休息中

今日特登行去旺角, 去左花園街搵食, 見門口餐牌幾吸引, 就試下。個羅宋湯味道唔錯德國鹹豬手午餐$50, 有湯有特飲, 真係好抵食, 本身都擔心咁平, 食物會否很差, 點知豬手黎到, 大大舊, 食落落唔油膩, 切開肉質嫩口, 豬手炸過, 皮好脆口, 好香口, 鹹味適中, 唔會好鹹, 肉又彈牙, 估唔到比咁既價錢, 有咁既質素。焗豬扒飯賣相吸引, 鐵板上熱辣辣, 茄汁味好香濃, 酸酸甜甜好醒胃, 配有蕃茄菠蘿, 豬扒肉質鮮嫩入味, 好味。套餐只係$39, 真係平靚正。蜂蜜綠茶好好飲, 好香蜂蜜味, 又唔會好甜。哈蜜瓜珍珠, 好香哈蜜瓜味, 珍珠好煙韌。