板上 (中海日升中心) (已結業)

觀塘呢一類工廠大廈林立嘅地方，總係有一啲臥虎藏龍嘅小店。今日嚟到駿業街熟食中心那邊，發現咗一間原本喺深水埗都有分店嘅板上。同深水埗分店嘅唔同，呢一間板上入邊嘅位置好舒適，而且仲有啤酒同大電視，好適合一班人傾計飲下酒談心，睇波都係一個好地方。除咗啤酒之外，呢度嘅咖啡原來係Coffee Brown，咁絕對係質素嘅保證！大阪燒大阪燒只係買$32。都算係好驚喜，除咗豬肉和椰菜之外，仲加左魷魚，所以食落口感覺好爽口。加埋日式嘅燒汁同沙律醬，唔係好想食飯嘅時候，叫一碟呢個就夠晒飽肚。唐揚炸雞炸雞偏乾身，而且都唔係好大九。如果對日式炸雞有要求嘅話，呢一碟小食可能令你失望。日式煎餃子餃子新鮮炸起只係廿幾蚊都有六隻，用黎送酒一流！今晚唔想飲酒，反而叫咗一杯泡沫咖啡。咖啡入口香醇，溫度掌握得十分之好，絕對諗唔到係呢一間小店，可以飲到如此優質嘅咖啡。一年前左右， 喺深水埗近荔枝角道試過板上，都覺得呢一間小店性價比十分之高。難得係觀塘開咗分店，附近嘅上班族當然唔可以錯過。