MiLuna Cafe & Ale House

營業中

休息中

同姊妹飯聚飯飯，想搵間又好食好好靚的餐廳，一邊享受美食一邊打卡，知道尖沙咀的商廈開左間新Cafe，叫《MiLuna Cafe & Ale House》，就book位去食晚餐。佢座位唔算多，建議大家黎之前真係book先。👀一入到去就見到佢地的打卡熱點，＂巨型發光月亮🌙＂呢個位真係好掂👍🏻，佢自帶打燈功能，照出嚟的相超靚❤️📸比目魚柳堡雲酥配忌廉椰菜花飯用香濃清爽的有口感的忌廉椰菜花粒代替飯，好味之餘又健康！大大塊炸魚柳🐟非常鬆脆可口，魚肉肉質鮮嫩多汁，兩者混合一齊食，口感無得頂👍，仲有啲新鮮沙律菜係底超正！伏特加火焰帶子原隻帶子殻裏面裝著柔軟爽口的帶子和湯汁上碟✨，帶子燒到焦香，浸係混有伏特加酒的湯汁入面，酒精比火焰蒸發左，冇咁重酒精味，好香好滋味！原條照燒鰻魚明太子忌廉扁意粉🍝呢個和洋料理，原條照燒鰻魚幾乎覆蓋左個扁意粉，微辣帶咸的明太子和忌廉混合增添左濃幼的奶香味，同彈牙的扁意粉一齊食，真係又creamy惹味😋照燒鰻魚柔軟，配照燒汁完全係絕配！Dark Chocolate 🍫 香濃幼滑的熱朱古力，濃濃的可可味混合🐮牛奶，香甜又濃滑，為整餐劃上完美的句點。