影片
更多
2020-03-10
48 瀏覽
蘭桂坊附近想chill下又唔想咁多人，行到條街盡頭既小店搵食，見隔離鋪企係度飲酒既老外都有幫襯呢度生蠔，就試一試。驚喜地發現除左禮拜四之外，平日6pm-9pm 無論生蠔、tapas定生啤都有7折。 咁岩係Happy Friday，梗係趁機叫到盡。由濃至淡試左三款生蠔：American Pearl ($55 -> $38.5)、Krystale ($65 -> $45.5)同Gillardeau No.1 ($75 -> $52.5)，首先要讚生蠔全部新鮮乾淨，即使較淡口平價既American Pearl都好肥美嫩滑。同朋友一致認同Krystale最好味，爽滑鮮甜，雖然未算好有肉感，個股鮮甜味既餘韻好令人難忘，有衝動encore。Smoked Salmon & Asparagus ($78 -> $54.6)煙三文魚同露筍新鮮到極點就唔洗講，開胃既醬汁更加畫龍點睛，所有食材味道都好夾。Deep-Fried Chicken Wings ($88 -> $61.6)雞翼用芝士粉醃左，點埋blue cheese醬好香口。Grilled Angus Rib
驚喜地發現除左禮拜四之外，平日6pm-9pm 無論生蠔、tapas定生啤都有7折。 咁岩係Happy Friday，梗係趁機叫到盡。
由濃至淡試左三款生蠔：American Pearl ($55 -> $38.5)、Krystale ($65 -> $45.5)同Gillardeau No.1 ($75 -> $52.5)，首先要讚生蠔全部新鮮乾淨，即使較淡口平價既American Pearl都好肥美嫩滑。
同朋友一致認同Krystale最好味，爽滑鮮甜，雖然未算好有肉感，個股鮮甜味既餘韻好令人難忘，有衝動encore。
Smoked Salmon & Asparagus ($78 -> $54.6)煙三文魚同露筍新鮮到極點就唔洗講，開胃既醬汁更加畫龍點睛，所有食材味道都好夾。
Deep-Fried Chicken Wings ($88 -> $61.6)雞翼用芝士粉醃左，點埋blue cheese醬好香口。
Grilled Angus Ribeye ($328)牛扒燒得岩岩好，五成熟得黎完全冇血水，牛味好濃。
Roasted Yamato Pork Chop ($298)全晚最滿意就係呢道豬扒，厚切嫩滑多汁有豬味，作為牛魔王難得覺得豬好食過牛，溫度亦控制得好好，食到尾依然微暖。
張貼
