Luna Kaffe

營業中

休息中

通菜街有好多餐廳，揀黎揀去見到佢有白布烏冬幾吸引，於是同朋友一於試下~餐湯係蘑菇栗米濃湯，豐富又香濃。白布烏冬 配咖哩吉列豬扒，第一次食白布烏冬，口感黏黏又彈牙，夏天冷沾非常清涼。吉列豬扒好大塊，炸得非常香脆。威靈頓牛柳，估唔到依度連威靈頓牛柳都有。鐵板一上黎就滋滋聲，叫咗7成熟，一開頭大概5成，用鐵板再將佢煎到7成。酥皮非常酥脆，牛柳好大份，好腍一啲都唔韌，肉味濃郁。可以追加小食，依個香辣魷魚係用貝殼裝住，少少辣辣地好開胃。最後再追加焦糖燉蛋，超嫩滑，蛋味好香。飲品揀咗sky blue同fruit punch，即刻要打卡，清新消暑。