海安咖啡室 (已結業)

上環有一間歷史悠久嘅咖啡室，只有平日先食到，如果唔係上環附近返工，真係好難試到🙈見到呢個樣就知係正宗咖啡室咖啡室內就應該有翻新過粉麵、撈麵都好多人叫本來諗住食叉燒撈麵，點知去到見到雞翼撈麵又想食，但最後因爲隔離個人叫咗公司麵，於是又轉咗食公司麵～公司麵同公司三文治一樣，超多料！！！有雞蛋、腸仔、叉燒、五香肉丁等～～不過想飲奶茶嘅朋友留意，公司麵飲奶茶係要正價嘅～ 入面嘅姐姐有提我，叫我飲維他奶、汽水抵啲不過年輕就是任性，正價都要飲～～～（甜口朋友可以叫多煉奶）懷舊嘅味道加上超抵食價錢～令我念念不忘呢我下次一定要試埋撈麵