影片
更多
2018-09-11
2755 瀏覽
近年雲石花紋人氣勁高，市面上的雲石紋產品，例如電話配件、文具或衣物等，全都非常受歡迎。之前陪朋友去「Love Café」食晚飯，覺得餐廳不但環境舒適、食物有水準，而且定價合理。最近從網頁得知，餐廳推出咗個少女味十足的「復古雲石下午茶 Vintage Marble Tea Set」，菜單以雲石蛋糕作招徠，淨係齋聽個名都覺得吸引，所以趁放完病假，復工翌日，便立刻拿了半天假，相約友人來尋味。無嚟一排，餐廳裝潢同上次來時分別不大，門外設有座位供客人稍作休息，而室內則採用簡樸的白色同淺木色為基調，柔和的素白牆身再襯以誘人的食物素描，設計極富心思，令室內佈置添上時尚感。至於今次專程來品嘗的「復古雲石 Tea Set」($198/兩人用)，陣容非常鼎盛，共有 9 款糕點，每款各 2 件。當中有 5 款即烘酥點，用上兩個金銅色邊框玻璃鏡面架呈上，入面載有士多啤梨撻、英式鬆餅、雲呢拿泡芙、雲石芝士蛋糕同咖啡劇院蛋糕。另外抹茶紅豆奶凍就分別以兩個六角形大理石承托，一黑一白，對比鮮明，各具姿采。至於 3 款精選鹹點，則以型格嘅黑色大理石盛載。逐一細看，有鮮蘑菇撻、玫瑰三文魚伴魚子醬同松露蟹肉芝士多士。就先由
近年雲石花紋人氣勁高，市面上的雲石紋產品，例如電話配件、文具或衣物等，全都非常受歡迎。之前陪朋友去「Love Café」食晚飯，覺得餐廳不但環境舒適、食物有水準，而且定價合理。最近從網頁得知，餐廳推出咗個少女味十足的「復古雲石下午茶 Vintage Marble Tea Set」，菜單以雲石蛋糕作招徠，淨係齋聽個名都覺得吸引，所以趁放完病假，復工翌日，便立刻拿了半天假，相約友人來尋味。
無嚟一排，餐廳裝潢同上次來時分別不大，門外設有座位供客人稍作休息，而室內則採用簡樸的白色同淺木色為基調，柔和的素白牆身再襯以誘人的食物素描，設計極富心思，令室內佈置添上時尚感。
至於今次專程來品嘗的「復古雲石 Tea Set」($198/兩人用)，陣容非常鼎盛，共有 9 款糕點，每款各 2 件。當中有 5 款即烘酥點，用上兩個金銅色邊框玻璃鏡面架呈上，入面載有士多啤梨撻、英式鬆餅、雲呢拿泡芙、雲石芝士蛋糕同咖啡劇院蛋糕。另外抹茶紅豆奶凍就分別以兩個六角形大理石承托，一黑一白，對比鮮明，各具姿采。
至於 3 款精選鹹點，則以型格嘅黑色大理石盛載。逐一細看，有鮮蘑菇撻、玫瑰三文魚伴魚子醬同松露蟹肉芝士多士。
就先由 3 款鹹點開始，蘑菇撻餡料極豐富，撻皮非常酥脆，蘑菇餡味帶鹹香，入口不會太膩。三文魚捲成玫瑰花狀，然後放入撻內，頂頭再以黑魚子作點綴，賣相精緻，食落鮮味十足。多士呈長條形，面頭啖啖蟹肉，而且芝味濃郁；墊底嘅麵包，脆口得嚟又唔會過乾，非常美味。
輪到吃即烘酥點：英式鬆餅混入了不少提子，餅身鬆軟又帶牛油香，入口酥而不油，毋須配果醬吃，已經夠曬味美。泡芙看起來雖然細細個、小巧的骰，但外形脹卜卜，配上軟滑的忌廉，香甜好吃。
咖啡劇院蛋糕由厚滑嘅咖啡忌廉、朱古力忌廉醬和朱古力杏仁蛋糕層層交疊組成，入口質感綿滑，層次分明，而且厚薄亦啱啱好，甘香味美。至於雲石芝士蛋糕，咬開入面雖然唔係流心，但食味亦不俗。上層糕身質感比較軟滑，而下層就略帶堅挺，配上脆口的餅底，再以草莓作裝飾，味道香濃又不過甜。
士多啤梨撻有大大粒果肉，味道甜甜酸酸，配以香滑誘人的忌廉和酥脆餅底，下脆上甜，鮮味可口，絕對值得一試！
壓軸呢款係抹茶紅豆奶凍，下層的奶凍入口滑嘟嘟、涼浸浸，奶香十足；而上層的抹茶則帶啖啖抹茶香，非常清新，跟日本紅豆簡直配合得天衣無縫。
Tea Set 配有咖啡或茶，另外亦可以用半價 $19 升級至「冰涼雪糕特飲」，有海鹽、熱情果、椰子及檸檬等多款口味可供選擇。雪糕飲品加入海鹽可以中和甜膩的味道，感覺更加清爽。椰子雪糕特飲入口椰香飄飄，清甜入心。
其實餐廳還有多款輕食供應，如炸玫瑰雞翼配意式甜酸醬、黑松露炒蛋配意大利火腿牛角包、忌廉汁煙鴨胸長通粉、焗龍蝦沙律芝士厚多士等，非常吸引，下次有時間會再同朋友嚟試下。
張貼
