226
20
12
等級4
2015-10-05 1856 瀏覽
呢間係一間穆斯林中國人開嘅餐廳,食左間野超過卄年,佢地檔口冇賣豬肉,亦禁止所有人喺佢地檔口食含豬嘅食物,呢啲都好正常嘅,所有人都好守規矩。但有樣野係令到我搲哂頭嘅係,佢地有啤酒賣,我亦試過帶酒去佢度開,穆斯林唔係禁酒嘅咩?睇左呢段野又知答案嘅朋友請留言解說。言歸正傳,今日約左朋友一共兩條友点左4樣食物,燒鴨、咖喱羊肉飯、咖喱牛腩淨食及上湯柚皮。呢度嘅燒鴨係我心目中排名係全香港no 1 , 大家記住係燒鴨唔係燒鵝,呢度冇鵝賣嘅,太多香港人鵝鴨不分啦!叫左個大嘅,68蚊,上碟時隻鴨係熱而皮脆架,点解?咪因為好生意轉流快,賣完又有一批燒好拿出,絶對係良性循環!除左新鮮熱辣外,肉味仲好鮮甜;家陣全香港都食緊冰鮮鴨,冰鮮都唔緊要嘅,但好大部份嘅燒臘檔用下價野,而呢啲鴨嘅肉大都帶有腥味而且唔甜,但惠記嘅就真係零啥不同呀,佢地賣嘅鴨係明顯比你街外嘅鴨細隻同少啲脂肪嘅,同你喺羅湖過關後燒臘檔見倒嘅幾似,如果佢地係同一鴨种,咁惠記賣緊嘅就係'草鴨'。到咖哩,其實一向都有食開佢地咖哩牛羊雞,仲每次來都点,但一向唔覺得好食,只係覺得一般。客觀標準,無倫邊個國家嘅咖哩都要夠香,而佢地嘅就一向唔夠香!主觀標準,
更多
呢間係一間穆斯林中國人開嘅餐廳,食左間野超過卄年,佢地檔口冇賣豬肉,亦禁止所有人喺佢地檔口食含豬嘅食物,呢啲都好正常嘅,所有人都好守規矩。但有樣野係令到我搲哂頭嘅係,佢地有啤酒賣,我亦試過帶酒去佢度開,穆斯林唔係禁酒嘅咩?睇左呢段野又知答案嘅朋友請留言解說。
言歸正傳,今日約左朋友一共兩條友点左4樣食物,燒鴨、咖喱羊肉飯、咖喱牛腩淨食及上湯柚皮。
呢度嘅燒鴨係我心目中排名係全香港no 1 , 大家記住係燒鴨唔係燒鵝,呢度冇鵝賣嘅,太多香港人鵝鴨不分啦!叫左個大嘅,68蚊,上碟時隻鴨係熱而皮脆架,点解?咪因為好生意轉流快,賣完又有一批燒好拿出,絶對係良性循環!除左新鮮熱辣外,肉味仲好鮮甜;家陣全香港都食緊冰鮮鴨,冰鮮都唔緊要嘅,但好大部份嘅燒臘檔用下價野,而呢啲鴨嘅肉大都帶有腥味而且唔甜,但惠記嘅就真係零啥不同呀,佢地賣嘅鴨係明顯比你街外嘅鴨細隻同少啲脂肪嘅,同你喺羅湖過關後燒臘檔見倒嘅幾似,如果佢地係同一鴨种,咁惠記賣緊嘅就係'草鴨'。
燒鴨
$68
125 瀏覽
0 讚好
0 留言
到咖哩,其實一向都有食開佢地咖哩牛羊雞,仲每次來都点,但一向唔覺得好食,只係覺得一般。客觀標準,無倫邊個國家嘅咖哩都要夠香,而佢地嘅就一向唔夠香!主觀標準,我不太鍾意多油嘅咖哩,呢度嘅咖哩着左三份一碗都係油,次次我都要倒哂啲油先食。
咖哩羊腩飯
$42
80 瀏覽
0 讚好
0 留言
蝦子皮真係好貨色,賣15蚊好抵食。成個柚皮用湯餵得好入味,個湯底應該好足料,但坦白講唔見有蝦子乜滯,個菜就咁叫蝦子柚皮重好。
上湯柚皮
$15
134 瀏覽
0 讚好
0 留言
整體評價,食物質素大排檔來講係好高嘅水準,杯碟筷子都摸落唔會肥騰騰,食物來得快,侍應冇黑面。
以上食物連啤酒一支及飲品兩支共HK$204。
從我的 iPhone 傳送
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2015-09-29
用餐途徑
堂食
人均消費
$102
推介美食
燒鴨
$ 68
上湯柚皮
$ 15