麵屋丸京

營業中

休息中

今日晏晝諗住去試吓呢間拉麵，去到門口有一位先生企咗係度。見門口無指示，淨係得張手寫嘅A4紙寫住齊人先可以入坐，咁就係門口諗住問吓店員洗唔洗攞飛。都未問到，就有另一group人好熟練咁排咗係位先生後面，後來先知原來呢度無得攞飛。後來有位時，店員安排我哋入去坐，之後遲過我哋到嘅人想打尖，就同店員講話佢哋早過我哋嚟，叫我哋出返去，然後店員就無理我哋講咩，就叫我哋出返去……嘢都未食就一肚氣。舖頭安排混亂，指示又唔清晰，店員仲為咗唔好麻煩就迫我哋比人打尖。最後就係個拉麵其實好普通，唔係唔好食，但真係唔值得受住氣同被打尖都去食。想受氣同比人打尖就歡迎多啲去食。