銀杏館 (已結業)

銀杏館係一間社企，餐廳職員都係長者。呢日趁好天，約左2位識左幾十年嘅哎吔吔朋友仔黎呢度，貪佢食完野仲可以四圍行下，正所謂人到中年，最緊要識得飯後舒筋活絡嘛。由美孚MTR按路牌指示約行10分鐘，到達半山位置，即饒宗頤文代館所在地，銀杏館就藏在此地。到達文化館，可以選擇好有雅興咁沿路拾級而上到達餐廳，或者有個懶而快嘅方法 — 搭Lift. 未上去餐廳，會行經藝術館，蓮池d三色蓮花好靚，除此之外，建築物亦非常古色古香，天氣好影相真係一流。文化館前身曾經係監獄、醫院，而家就復修成為文化館，置身其中，真係成個人都即刻有返曬文化氣息 。黎到餐廳12:30pm，岩岩放飯時間，食客未算好多，不過之後陸續有人黎。職員遞上menu，熱情丶詳盡推介午餐，服務貼心。午市set lunch包埋自在沙律（晚市要額外加＄）。其實沙律要好食好簡單，就係食材夠新鮮，呢間餐廳做到，尤其青瓜好fresh，芝麻醬帶來咸香，食多幾舊都唔覺口「寡」。香茅茶(後）香茅味濃而不澀，入口略帶甘，讓人舒暢。是日養生湯材料有赤小豆丶粉葛等材料，味淡而帶清香，飲多幾啖，清潤養顏。無飯家庭喺出面食飯，好多時會因為有個靚例湯飲而深深被感動