牛一香港仔魚蛋粉專門店

營業中

休息中

見到有人話呢度牛丸墨丸做得好好，專程過來試一試。唔好意思，食食下先記得影相😂雙丸麵，牛丸加墨丸。牛丸爽口，有彈力，裏面加咗少許冬菜提升味道，都幾獨特。墨丸有粒粒墨魚，咬口煙韌，都有鮮味，都不錯。幼麵潤滑嗰隻，不是爽口彈牙，各有各好；可惜略嫌去鹼不足，有鹼啲水味，需要改善。湯底一般，可能比鹼水味遮蓋，食不到鮮味。熱奶茶水準一般，顏色比較深，茶味不夠略為淡口，不是我杯茶。整體合格以上，有進步空間。少少補充，下午時段，樓面收錢只得兩人，略為人手不夠。