影片
更多
2024-01-29
35 瀏覽
💁♀️💁♂️ 23/01/2024(Tue), Dinner🍽上次我哋食完厚切豬膶之後，今次我哋又去到💁♀️為食妙妙公司附近一間牛舌👅關注組推介嘅順日本料理食厚燒牛舌👅。除咗上次嘅豬膶，牛舌都係另一種我哋覺得要厚切先好食嘅食物，要厚切先食到應有嘅口感同外脆內軟熟嘅感覺。餐廳位於天后，略略偏離開電氣道比較多餐廳嘅路段，換來就係比較寧靜嘅環境。座位安排都算坐得舒服闊落，原來餐廳已經開業30年👍👍👍，能夠經營咁耐一定有佢嘅拿手之處。而今晚我地order咗：🔆 厚燒牛舌👅便當（$180）呢款便當有餐廳招牌嘅厚燒牛舌3塊，仲有煙三文魚雜菜沙律、冷蕎麥麵、味噌湯，原本應該係跟埋雪糕嘅，但因為賣晒，所以換成泡芙。牛舌👅真係好厚切，目測有成吋厚，燒得外皮焦香，內裡軟腍而有肉汁，簡簡單單用鹽燒就已經好好食。每件都幾大件，便當入面有3件都好夠食。煙三文魚雜菜沙律用上日式醬汁，酸酸甜甜的都幾清新醒胃。冷蕎麥麵本身夠凍，配合蕎麥麵汁入口爽滑。味噌湯內有點蘿蔔、菇🍄，清清哋咁。泡芙是士多啤梨🍓味道，不過不失。🔆 廣島蠔🦪鍋（$120）天氣凍凍哋食個熱焫焫嘅鍋物就最好不過，今晚我哋點咗廣島蠔🦪鍋，主要配料有廣島蠔
💁♀️💁♂️ 23/01/2024(Tue), Dinner🍽
上次我哋食完厚切豬膶之後，今次我哋又去到💁♀️為食妙妙公司附近一間牛舌👅關注組推介嘅順日本料理食厚燒牛舌👅。除咗上次嘅豬膶，牛舌都係另一種我哋覺得要厚切先好食嘅食物，要厚切先食到應有嘅口感同外脆內軟熟嘅感覺。
餐廳位於天后，略略偏離開電氣道比較多餐廳嘅路段，換來就係比較寧靜嘅環境。座位安排都算坐得舒服闊落，原來餐廳已經開業30年👍👍👍，能夠經營咁耐一定有佢嘅拿手之處。
而今晚我地order咗：
🔆 厚燒牛舌👅便當（$180）
呢款便當有餐廳招牌嘅厚燒牛舌3塊，仲有煙三文魚雜菜沙律、冷蕎麥麵、味噌湯，原本應該係跟埋雪糕嘅，但因為賣晒，所以換成泡芙。
牛舌👅真係好厚切，目測有成吋厚，燒得外皮焦香，內裡軟腍而有肉汁，簡簡單單用鹽燒就已經好好食。每件都幾大件，便當入面有3件都好夠食。煙三文魚雜菜沙律用上日式醬汁，酸酸甜甜的都幾清新醒胃。冷蕎麥麵本身夠凍，配合蕎麥麵汁入口爽滑。味噌湯內有點蘿蔔、菇🍄，清清哋咁。泡芙是士多啤梨🍓味道，不過不失。
🔆 廣島蠔🦪鍋（$120）
天氣凍凍哋食個熱焫焫嘅鍋物就最好不過，今晚我哋點咗廣島蠔🦪鍋，主要配料有廣島蠔🦪、紹菜、豆腐、菇🍄、鳴門卷🍥等。上枱時個鍋冒住煙，夠晒熱🌡️。廣島蠔🦪有3隻，唔係好大隻但肉身飽滿，漲卜卜咁。入口剛剛熟，咬落仲有蠔汁😋。湯底清得來又帶蔬菜的甜同廣島蠔🦪嘅鮮，食完個人都暖笠笠。
🔆 久保田清酒🍶 300ml（$180）
🔆🔆🔆🔆🔆🔆🔆🔆🔆🔆🔆🔆🔆
❤🙆♂️(A先生)整體食評：8.5/🔟
❤🙆♀️(為食妙妙)整體食評：8.5/🔟
👉🏻 厚切牛舌👅外脆內軟熟，單單係為呢道厚燒牛舌👅已經可以重訪
A先生車友指數 🚗
🛣️ 交通容易指數：🚗🚗🚗🚗(4/5)
🅿️ 泊車容易指數：🚗🚗🚗🚗🚗(5/5)
👉🏻 天后地鐵站上蓋有停車場🅿️，不遠處既維園泳池有大量錶位🅿️，只要唔係維園有展覽/活動，不難搵到泊位。
👉🏻 天后地鐵站過嚟都唔使5分鐘路程，地鐵、巴士、電車、甚至小巴都有唔少選擇
🔆🔆🔆🔆🔆🔆🔆🔆🔆🔆🔆🔆🔆
張貼
