影片
更多
2014-10-22
1612 瀏覽
講堅，真係人仔果時已經聽佢個名，行開呢頭，緊要幫襯吓！潮州店緊要試試鹵水，要鵝腸？冇！要鵝件？冇！鵝片有嘞呱？有！仲好入味𠻹！唔係死鹹，有溫和香料味（如桂片、草果），輔以超入味軟滑鹵豆腐，大滿足！食九肚魚或蠔烙，有點怕其腥臊。簡簡單單嘅蘿蔔烙就最啱心水！熱烘烘、脆咯咯，加白蘿蔔的自來甜。吃得痛快，誠意推介。賢內助話想食鹹魚，見有煎的，就整份試試！望落修係炸唔係煎嘅，算！都叫鹹香。喚侍者多送我白糖一小碟，又鹹又甜咁，越食越想食！白糖送達時，侍者半推薦半請求，話鵝掌湯鮑食得過。不勝其煩外加唔好意思推卻下，就範了！一份試試味；唔差，但好難叫好！原材料問題，試問你想罐頭鮑有幾好食呢？況且收你百四蚊而已，將就將就！濃味肉食放最後，沙嗲醬行貨得很，牛肉也如發泡膠，不贅；芥蘭以薑水灼後少油快炒，苦澀盡除，可口！下回薑汁油鹽快炒可也！再來炒桂花蚌埋尾，好聽就叫「黑松露醬下得恰到好處，不奪豬爽肉、桂花蚌原味。」究其實，唔落好過落，落咗賣貴幾十而已。炒鑊炒功扎實，底味十足；嫌擺盤太玩嘢，竟以草莓味百力支作架；令我懷疑廚房是邊啖零嘴邊作菜不。批曰：鹵水膽有味，味部、廚部功底扎實。茶市點心新鮮熱辣燙口。惜地理
潮州店緊要試試鹵水，要鵝腸？冇！要鵝件？冇！鵝片有嘞呱？有！仲好入味𠻹！唔係死鹹，有溫和香料味（如桂片、草果），輔以超入味軟滑鹵豆腐，大滿足！
食九肚魚或蠔烙，有點怕其腥臊。簡簡單單嘅蘿蔔烙就最啱心水！熱烘烘、脆咯咯，加白蘿蔔的自來甜。吃得痛快，誠意推介。
賢內助話想食鹹魚，見有煎的，就整份試試！望落修係炸唔係煎嘅，算！都叫鹹香。喚侍者多送我白糖一小碟，又鹹又甜咁，越食越想食！
白糖送達時，侍者半推薦半請求，話鵝掌湯鮑食得過。不勝其煩外加唔好意思推卻下，就範了！一份試試味；唔差，但好難叫好！原材料問題，試問你想罐頭鮑有幾好食呢？況且收你百四蚊而已，將就將就！
濃味肉食放最後，沙嗲醬行貨得很，牛肉也如發泡膠，不贅；芥蘭以薑水灼後少油快炒，苦澀盡除，可口！下回薑汁油鹽快炒可也！
再來炒桂花蚌埋尾，好聽就叫「黑松露醬下得恰到好處，不奪豬爽肉、桂花蚌原味。」究其實，唔落好過落，落咗賣貴幾十而已。炒鑊炒功扎實，底味十足；嫌擺盤太玩嘢，竟以草莓味百力支作架；令我懷疑廚房是邊啖零嘴邊作菜不。
批曰：鹵水膽有味，味部、廚部功底扎實。茶市點心新鮮熱辣燙口。惜地理位置略欠，同區強手不少，致生意一般！努力加油，勿浪費了多年字號。
張貼
