厚興瑜記手撕雞 (英皇大廈)

營業中

休息中

尋日返工又係得我一個一支公去食飯。今次唔食M記，去食手撕雞飯。鋪頭隔離有間厚興瑜記，呢間啲手撕雞其實我一直都鍾意食嘅，以前知道北角有一間，我都會特登走過去買盒當晚餐食。叫咗個香辣手撕雞飯，配盒果然系冰鎮檸檬。開食～～～雞肉其實好好食，好滑同埋有胸肉又有雞翼比我。連雞皮都有味，又唔會太肥太油。撈暈晒啲辣椒油之後更加惹味呀！盒飯有跟條菜，符合營養標準啊，不過就有啲難食啦，冇乜甜味同有少少苦添。間嘢好易去，鰂魚涌站A出口出嚟對面馬路就係，好易見到。