合利潮州打冷飯店

營業中

休息中

五一假期前食個晚飯，因為朋友要喺佐敦做嘢所以揀咗呢一間潮州舖，嗌咗四個餸每人先至二百幾蚊，即係平均一個餸百幾蚊，其中一個仲要係滷水鵝片，真係一餐抗通脹晚餐。滷水鵝片份量都唔少㗎，冇將價就貨，而且滷水香得嚟又唔會一味得個鹹字，我肉又唔肥，淨係咬咗啲皮出嚟就可以成嚿好安心咁樣食晒落肚，連墊底嘅滷水豆腐都好味。啫啫芥蘭夠火喉有鑊氣香噴噴仲有啲芥蘭非常青綠新鮮。香煎墨魚餅其實應該係炸先至啱，墨魚餅面有啲粉絲碎一齊揸到脆卜卜，又唔會太油喎。食到舔舔脷叫多一碟最後又揀咗椒鹽鮮魷，唔會炸到over晒，啲粉漿又唔會好厚僅僅夠包住啲魷魚真係fit晒。