影片
更多
2024-08-24
339 瀏覽
餐廳位於西貢嘅新酒店 WM Hotel 裏面，裝修新淨光猛，環境非常寬敞，枱與枱子間嘅距離超闊，場中有多部電視與及投射螢幕可以睇波，餐廳一角仲有足球機同埋彈珠機等等可以玩，係過癮嘅。Heroes Jasmine Green Tea Wheat Beer，由本土品牌 hEROES 同樂茶軒聯乘，係一款用茉莉花茶冷泡而成嘅清爽小麥啤，口感細滑，入口帶淡淡嘅柑橘香氣，加上橙皮、芫荽籽令優雅嘅茉莉花香味更有層次。Black Truffle Portobello Mushroom Linguine，Portobello 菇味香濃，Linguine 嘅口感係啱啱好嘅 al dente，只簡單以黑松露同埋橄欖油調味已經相當好食。Tom Yum Gong Risotto，面頭大蝦非常大隻，幾乎佔據哂全個碟，蝦肉爽彈，明顯用上新鮮嘅貨色，有冬陰功味道嘅 risotto 都係第一次試，冬陰功味道正宗，同意大利嘅 risotto 夾埋一齊，好有 fushion 嘅意味。Banoffee Creme Brulee Pancake，上枱非常動L，有海量嘅士多啤梨同埋香蕉，甜度對於我嚟講啱啱好，唯一要挑剔嘅係口感
餐廳位於西貢嘅新酒店 WM Hotel 裏面，裝修新淨光猛，環境非常寬敞，枱與枱子間嘅距離超闊，場中有多部電視與及投射螢幕可以睇波，餐廳一角仲有足球機同埋彈珠機等等可以玩，係過癮嘅。
Heroes Jasmine Green Tea Wheat Beer，由本土品牌 hEROES 同樂茶軒聯乘，係一款用茉莉花茶冷泡而成嘅清爽小麥啤，口感細滑，入口帶淡淡嘅柑橘香氣，加上橙皮、芫荽籽令優雅嘅茉莉花香味更有層次。
Black Truffle Portobello Mushroom Linguine，Portobello 菇味香濃，Linguine 嘅口感係啱啱好嘅 al dente，只簡單以黑松露同埋橄欖油調味已經相當好食。
Tom Yum Gong Risotto，面頭大蝦非常大隻，幾乎佔據哂全個碟，蝦肉爽彈，明顯用上新鮮嘅貨色，有冬陰功味道嘅 risotto 都係第一次試，冬陰功味道正宗，同意大利嘅 risotto 夾埋一齊，好有 fushion 嘅意味。
Banoffee Creme Brulee Pancake，上枱非常動L，有海量嘅士多啤梨同埋香蕉，甜度對於我嚟講啱啱好，唯一要挑剔嘅係口感結實咗少少，如果再 fluffy 啲應該會更加好。
張貼
