河內越式湯粉 (已結業)

極品牛三寶湯河粉食牛河最緊要個湯夠熱, 今次依碗送到上嚟都係好熱，個湯底有牛嘅鮮甜，食得出唔係一般味精湯，牛肉都係淋身有牛味唔會鞋口, 牛丸都係爽彈有牛味，河粉滑得黎又唔會黐埋一舊，推薦呢碗牛河！魚露雞扒煎蛋飯雞扒煎得好脆好入味, 雞肉都好嫩滑, 雞扒食落去都冇雪藏味, 配埋煎蛋嘅蛋黃汁同魚露汁非常送飯酥香軟殼蟹（1隻）小食加配左軟殼蟹，軟殼蟹大大食，炸得好酥脆，點埋佢枝辣椒醬食好惹味。鮮芒果西米露& 熱情情果冰椰奶加埋西米同埋新鮮既芒果好似去左糖水舖叫左杯飲得既糖水咁，椰奶唔會太甜，西米又唔會太淋。熱情果冰就酸酸甜甜好解膩，唔鍾意太甜嘅可以問吓有冇得少甜。