老鍋台式火鍋 (京都廣場) (已結業)

同朋友係銅鑼灣行街想打邊爐, 見呢間食評幾好就揀左~ 不過本身銅鑼灣呢區打邊爐選擇唔係好多! 入到去發現餐廳環境都幾大, 用好多台灣天燈佈置😍好有台灣老街嘅感覺! 平日嚟都唔洗驚等好耐位！叫左個綜合手工丸拼盤同老鍋秘製麻辣鍋拼老饕酸菜白肉鍋~ 老鍋秘製麻辣鍋叫左少辣,鍋入面好足料, 有鴨血、豆腐同好多藥材🤤老饕酸菜白肉鍋都係勁多料, 個酸味好出!! 綜合手工丸拼盤全部自家製手打,好彈牙好好食！！真才實料! 職員態度都好好,上菜又好快!