尚八日式燒肉店 (已結業)

疫症關係，暫時冇得去日本食和牛心思思想食和牛，朋友就介紹左尚八日式燒肉店，因為可以任食和牛 刺身 一舉兩得Menu 選擇種類都算多有好多不同前菜同小食:野菜燒物、海鮮、熱食等等。來到放題點可以唔刺身呢2人或以上會送刺身拼盤(三文魚、帶子，海膽等)刺身都幾新鮮，味道鮮甜我選擇左A4和牛燒肉放題，店員會先上一碟和牛，亦寫明和牛既部位 共有六款包括: A4和牛冧、A4和牛胸腹、A4牛外腿、A4和牛三角、A4一口牛、A4和牛前肩 當你食到好鐘意既部位，可以根據紙仔再加點你喜歡食既牛部位，很貼心和牛色澤鮮紅，和牛肉質未算到很入口即融，但牛肉油脂分布得平均 咬落去有牛油香味 ，明顯見到雪花紋 肥而不膩。對我而言，A4和牛可以完全唔加任何調味料，因為食和牛最主要係食牛既原味，或者加少少鹽就已經很足夠食得太多和牛要食其他中和番，配菜我揀左海鮮(螺肉、蜆同元貝)同菇菌 (金針菇同冬菇 )海鮮鮮甜 選擇夠多，菇菌可以解油膩感飲品係自助形式有好多種類選擇，例如:果汁、汽水、茶類同健康飲品。不過雪糕選擇就較少，但主要黎食牛，配菜款式多，所以雪糕對我來講 選擇少都唔緊要。總結:用餐時間限制2個鐘，但食得好滿足。