Thai 2.0 (已結業)

同先生去完宜家傢俬掃貨，順便去愉景新城醫肚，揀咗呢間價錢貼地嘅泰國餐廳，地方寬敞而且座位夠哂闊，坐得舒服，好適合行完街充下電。餐廳食物選擇唔少，而且夠多元化，仲有好抵食嘅二人餐可以揀。椰青即叫即開，超級新鮮，加上雪到凍冰冰，清甜解渴，一流！飛天通菜大大碟好抵食，而且夠哂惹味，配白飯一流。青咖喱雞帶有微微嘅椰香，微辣嘅醬汁加入各種泰式香料，夠哂香濃，同樣係白飯殺手。鮮蝦炒金邊粉亦係大大碟好抵食，即叫即炒熱辣辣送上枱，炒得夠火候亦夠惹味，唔錯。餐廳嘅食物整體質素唔錯，而且勝在價錢超值，亦坐得舒服，下次行完街可以再嚟。