招牌手撕雞

營業中

休息中

呢間主打手撕雞嘅外賣店本身已經喺石水渠街開咗七年最近先搬咗去灣仔道。所以一到傍晚就好多街坊幫襯。✨手撕雞雞肉份量好多，肉質好嫩滑。醬汁有陣陣芝麻香氣，再灑上白芝麻味道好好。配搭青瓜、木耳，味道好清新。特別啱夏天食。✨招牌豬手豬手爽滑充滿膠質，肉質唔會好結實，炆得好入味。仲有埋花生一齊煮。✨去骨海南雞雞肉好嫩滑但係完全冇血水。連雞胸位置都好腍，真係好少地方做到。雞皮口感爽滑，唔會好肥。配埋三款醬汁味道更豐富。✨滷水雞腳 大盒到咁先$20，性價比好高！炆得好腍好入味，喺屋企好難做得到。