影片
更多
2020-03-09
1478 瀏覽
二月份是我們的拍拖週年紀念，順便有個理由俾自己食返餐好D，問下身邊既朋友係尖沙咀有冇推介，於是book左Amina既九道菜Fine Dining同太太慶祝下。餐廳燈光柔和配合歐陸格調，頗適合兩口子共進一頓豐盛晚餐。是晚共有3款包點，從麵包籃挑選了勞根包，沾少量自家製蕃茄蓉牛油，外脆內軟，麥味足。餐前小吃為菠蘿味綿花糖，質感超輕盈而且味道有一點點初夏既鳳梨香甜氣息，加入少許食用花襯托，造型精美。一碟之上最搶眼既亮點，正正就係魚肌紅潤既吞拿魚，精挑最豐碩既魚身部位角切成兩小件，店方更特意配搭甘甜清酒及日本醬油元素，味道濃厚紮實得來又不會完全遮掩魚味本體，可謂鮮極可口。伴碟既其他配硓菜也各有獨特型態，諸如半月形既春卷皮薄脆、小白露筍及迎送淡香氣色既檸檬啫喱，完美地跟主角湊合成一幅美輪美渙既畫面，美得只能形容佢係一件立體藝術作品，讓人垂涎三尺。另一道我比較欣賞既Course，店家將濃香既蟹肉嵌入藜麥粿粒，用上薄薄既帶子肉精製成渾圓既海鮮包，造型飽滿。頂部還添加小量晶瑩爆汁既橙黃色魚籽，跟海鮮包嫩白外層形成鮮明對比，但最重要都係做到提鮮效果，令人感受到那股悠然既海洋風味，香氣四溢。底層透徹如鏡片
餐廳燈光柔和配合歐陸格調，頗適合兩口子共進一頓豐盛晚餐。是晚共有3款包點，從麵包籃挑選了勞根包，沾少量自家製蕃茄蓉牛油，外脆內軟，麥味足。
餐前小吃為菠蘿味綿花糖，質感超輕盈而且味道有一點點初夏既鳳梨香甜氣息，加入少許食用花襯托，造型精美。
一碟之上最搶眼既亮點，正正就係魚肌紅潤既吞拿魚，精挑最豐碩既魚身部位角切成兩小件，店方更特意配搭甘甜清酒及日本醬油元素，味道濃厚紮實得來又不會完全遮掩魚味本體，可謂鮮極可口。
伴碟既其他配硓菜也各有獨特型態，諸如半月形既春卷皮薄脆、小白露筍及迎送淡香氣色既檸檬啫喱，完美地跟主角湊合成一幅美輪美渙既畫面，美得只能形容佢係一件立體藝術作品，讓人垂涎三尺。另一道我比較欣賞既Course，店家將濃香既蟹肉嵌入藜麥粿粒，用上薄薄既帶子肉精製成渾圓既海鮮包，造型飽滿。頂部還添加小量晶瑩爆汁既橙黃色魚籽，跟海鮮包嫩白外層形成鮮明對比，但最重要都係做到提鮮效果，令人感受到那股悠然既海洋風味，香氣四溢。
底層透徹如鏡片般既環狀東西，原來係由多幅超薄切的提子果肉片添加啫喱合成，望落去感覺清新。CHEF又能巧妙地善用提子表皮自身既酒紅色澤，營造出具層次卻又簡約既美觀感，入口質感也相當輕盈清香。
湯品一環也很講究兼有驚喜位，服務員先奉上一個高身既黑磁湯碗，裡頭經已預先堆砌好數只花甲及一片Parma Ham在中央，接著再提來一個南部鐵壼，緩緩在我們面前加入濃郁既南瓜忌廉湯直至淹沒花甲。
南瓜忌廉湯質感綿密幼滑，沒有多餘瓜溶雜質，用上鐵壼盛湯也保持温熱效果，將田園氣味夾雜花甲既鮮味一併帶入口腔散發開來。
菜餚味道的確一個比一個更呈濃厚，來到令人最期盼既香煎鵝肝。別小看這碟子，上檯時一刻温感也相當高，置在中間的鵝肝片格外油光亮麗，而且在餘熱之中其獨有香氣更係徐徐飄散撲鼻。
鵝肝嫩滑有彈性，輕柔地下刀切開，透亮既黃油自鵝肝橫切面釋放出來，氣味幽香。入口先係輕脆香氣迫人既外層，進而展現出Juicy卻又有一份細膩既質感，喜愛鵝肝既朋友一定讚不絕口。
緊接而來的，正係拼湊著奢華瑰寶既宮崎牛與黑松露而成既佳餚，可謂舌尖上既深度享受，滋味無窮。和牛肉汁濃厚而且肉質嫩滑上盛，待在咀巴並輕柔地配合温感細味一番，肉味挺豐膄!
底部係包裹著濃厚既松露菌香意大利飯，每口飯粒都滲透出松露菇菌既精華，外軟內脆，啖啖都令人迷醉回味。
進入主菜之前，服務員為我們奉上一杯令人感覺清心悅目且涼透心既雪葩，清爽帶微酸既芭樂味道足以驅走前幾道菜餚既餘味，好讓味蕾迅速回復最佳狀態去品嚐下一個肉類菜式。火紅既番石榴果肉，多汁味甜，嗒一口粉紅芭樂雪葩頓時醒胃明目!
今晚的主菜正合我的喜好，為香煎蘇格蘭羊西冷配芥末醬汁，服務員並建議我們以最佳既五成熟方式來享用。
切入時緩緩地綻放出嬌嫩粉紅色內層，肉厚卻又頗感嫩滑多汁，丁點羊羶味也沒有而是帶點芳香。面層雖附着薄薄羊脂，煎香了但毫不油膩，配合Topping既蜜糖脆脆口感更豐富。
甜品環節為本晚劃上完美句號，質感柔軟既班戟外皮之中加入了幼滑既雪糕，旁邊配搭些柚子碎、清新既檸檬cream及nuts。
餐飲都有好多選擇，除了咖啡類之外還有多種西式茶，我就點了杯如意博士香草茶，味道芳香喝完精神渙發。
最後店家送上含梅肉乾果既巧克力片，輕輕細味甜入心。
張貼
